GRN moenie werk skep nie, moet regte omgewing vir werk skep 

 Namibië se jeugwerkloosheidsyfer is 43,4 persent, byna drie keer die wêreldgemiddeld, en styg steeds. Dit skep probleme vir jongmense en belemmer ekonomiese groei. Hoë werkloosheid onder die jeug verhoog ook die risiko van sosiale onstabiliteit as gevolg van frustrasie en gebrek aan geleenthede. Die regering raai die jeug graag aan om met entrepreneursidees vorendag te kom, maar befondsing is ‘n stryd, onder ander uitdagings. Kosmos 94.1 Nuus het gesels met Dorothea Nangolo, president van die Namibië Nasionale Studente-organisasie, Nanso, wat sê dat die regering nie werk moet verskaf nie, maar ‘n ekonomiese omgewing wat bevorderlik is vir werkskepping.