ManCity sal weer op koers kom: Pep

Sokker: Manchester City se hoofafrigter, Pep Guardiola, sê hy het volle vertroue dat sy span die seisoen weer op koers sal kry. Die verdedigende Premierliga-kampioen het Saterdag 4-0 verloor teen Tottenham, wat hulle vyfde agtereenvolgende nederlaag hierdie seisoen was. Dit was City se grootste tuisnederlaag sedert 2003, en die eerste keer sedert 2006 dat hulle vyf wedstryde in ‘n ry verloor het. Guardiola sê hy weet dit maak sy spelers seer, maar hulle moet nou saamstaan soos nooit tevore nie.