Nog ‘n internasionale speler betree olie- en gasbedryf

Infinity Oilfield Services, ‘n Aberdeen-gebaseerde maatskappy, het uitgebrei na Namibië se opkomende energiemark en werk saam met Lesedi Nuclear Energy Services in die Lion Namibia gesamentlike onderneming. Met groot wêreldspelers soos Shell, TotalEnergies en Chevron wat miljarde in sonkrag, waterstof, olie en gas belê, staan Namibië op die drumpel om die volgende groot energie-spilpunt te word. Infinity het die Lion Energy Hub in Walvisbaai gevestig, op ‘n 40 000 vierkante meter veilige terrein met kantore, pakhuise en werkswinkels. Kosmos 94.1 Nuus het gesels met Paulo Coelho, Lion Namibia se bemarkings- en sakeontwikkelingsbestuurder, wat meer inligting gee.