Disabled People SA ondersteun Mej. SA se onttrekking aan Mej. Heelal

Disabled People South Africa het teleurstelling uitgespreek, maar tog begrip getoon ná Mej. Suid-Afrika 2024, Mia le Roux, se onttrekking aan die Mej. Heelal-kompetisie weens gesondheidsredes. Le Roux, die eerste dowe deelnemer, het voorberei vir die finaal in Mexiko vandag. Die nasionale voorsitter, Patrick Mahlakoane, het haar in ‘n verklaring geprys omdat sy haar vir die regte van gestremdes beywer en haar welstand prioritiseer, en wens haar ‘n spoedige herstel toe. Hy sê die organisasie beloof om deurlopend voorspraak te maak vir inklusiwiteit en die bemagtiging van mense met gestremdhede.