Te veel olifante het ‘n negatiewe impak: Kamanjab-boer

Die omgewingsministerie is steeds besig met die uitdun van meer as 723 stuks wild, insluitend 83 olifante, om droogtegeteisterde inwoners van vleis te voorsien. Tot dusver het die ministerie 43 olifante van kant gemaak, met planne om nog 15 in die Kamanjab-, Khorixas- en Omajete-areas te jag. Daar is berigte dat van die beroepsjagters wel olifante in die Ugab-gebied soek, wat nie toegelaat is nie omdat dit woestynolifante is. Maar, boere voel anders. Kosmos 94.1 Nuus het gesels met Piet Gouws, ‘n boer by Kamanjab wat konflik met olifante ervaar het, wat sê die diere het steeds ‘n groot negatiewe impak.