Staande komitee ondersteun tolhekke

Die Nasionale Raad se staande komitee oor vervoer, infrastruktuur en behuising het die instelling van tolhekke op groot paaie regoor Namibië voorgestel om die befondsing van sommige sleutel padinfrastruktuur-projekte te ondersteun. The Brief berig die aanbeveling volg op ‘n besoek aan Zambië en Botswana, waar die komitee suksesvolle modelle vir padfinansiering ondersoek het en met staatsamptenare en belanghebbendes in gesprek was om waardevolle insigte in die vervoersektor te verkry. Die aanbeveling is daarop gemik om ‘n bestendige inkomstestroom vir die instandhouding van noodsaaklike vervoerroetes te genereer.