Agt mans beroof egpaar 

 Die Namibiese polisie sê agt mans het in die vroeë oggendure van Sondag toegang tot ‘n huis in Auasblick gekry. Die mans, me ‘n panga en skroewedraaiers gewapen, het die man en vrou in die huis gedreig, hulle aangerand en weggekom met drie selfone, drie skootrekenaars, juwele en ander items. Die waarde moet nog bepaal word. Die slagoffers het mediese behandeling ontvang en ‘n ondersoek is van stapel gestuur.