Namibia Berries brei uit, wil grootste in Suider-Afrika wees

Namibia Berries by Divundu in die Kavango-Oos-streek beoog om teen 2026 die grootste bessieplaas in Suider-Afrika te wees. Die maatskappy is besig met uitbreiding om ‘n plaas van 500 hektaar te ontwikkel. Michael Rodenburg, direkteur en stigter van Namibia Berries, sê die maatskappy het reeds 750 miljoen Namibiese dollar om 250 hektaar te voltooi, wat in vier fases gedoen sal word. Hy sê die totale belegging vir die projek is 150 miljard dollar. Namibia Berries het vanjaar sy eerste oes gehad en die meerderheid is na Duitsland uitgevoer. Die maatskappy het tot op hede sowat 190 ton bessies uitgevoer. Suid-Afrika het tans die grootste bessieplaas, van 150 hektaar.