Departement vra insette oor ongewenste bemarking

Die handel, nywerheid en mededinging-departement vra kommentaar van die publiek oor konsepwysigings aan Regulasie 4 van die Wet op Verbruikersbeskerming, wat ongewenste direkte bemarking aan bande wil lê. Die wysigings sluit ‘n register in om te kan onttrek, wat vereis dat direkte bemarkers registreer en nie met verbruikers in verbinding tree nadat hulle onttrek het nie. Belangstellendes, soos direkte bemarkers en bedryfsverenigings, moet hulle terugvoer binne 45-dae indien, met ‘n finale sperdatum van 15 Januarie 2025. Die voorgestelde regulasies is op 28 Oktober in die Staatskoerant gepubliseer.