Namport verwag 40 vaartuie oor feestyd

Die feestyd kom vinnig nader en meer as 40 passasierskepe is op pad na die hawens van Walvisbaai en Lüderitz. Op 4 November doen die AIDAstella, ‘n vaartuig van Italië, Walvisbaai aan en op 5 November sal sy in Lüderitz wees. AIDAstella het ‘n totaal van 1 097 kajuite vir 2 194 passasiers, met ‘n maksimum besetting van 2 700, bedien deur 610 bemanningspersoneel. Kosmos 94.1 Nuus het gesels met Cliff Shikuambi, die bestuurder van bemarking by Namport.