Windhoek NamPol arresteer verdagte in Katutura transito-rooftog

Die Windhoek-polisie het ‘n deurbraak gemaak in die transito-rooftog wat Maandag by die Shoprite-kompleks in Katutura plaasgevind het, terselftertyd as een by Platz Am Meer in Swakopmund. ‘n Verdagte is gearresteer en verskeie items wat in die rooftog gebruik is, is gekonfiskeer, asook meer as 17 000 Namibiese dollar. Daar is nog nie bekendgemaak hoeveel kontant geroof is nie. Kosmos 94.1 Nuus het gesels met NamPol hoofinspekteur Elifas Kuwinga, wat meer inligting gee en vra dat mense met inligting die polisie moet kontak.