Johannesburg bied 2025 G20-beraad aan

Leiers van die wêreld se grootste ekonomieë sal volgende jaar in Johannesburg saamtrek vir die jaarlikse G20-leiersberaad. Die adjunk-direkteur-generaal vir Openbare Diplomasie in die departement van Internasionale Betrekkinge en Samewerking, Clayson Monyela sê Johannesburg het Kaapstad en Durban getroef as moontlike gasheer. Die presidentskap en aanbiedingsregte van die G20 wissel jaarliks.