Charles uitgejou deur parlementslid in Aussie-parlement

Koning Charles is Maandag deur ‘n inheemse senator van volksmoord by Australië se parlementshuis beskuldig, oomblikke nadat hy ‘n toespraak gelewer het waarin hy sy respek aan die tradisionele eienaars van die lande betoon het. Charles, op sy 16de amptelike besoek aan Australië en sy eerste groot buitelandse reis sedert hy met kanker gediagnoseer is, het net klaar gepraat toe die onafhanklike senator en inheemse aktivis Lidia Thorpe geskree het dat sy nie Charles se soewereiniteit oor Australië aanvaar nie. Sy het hulle grond teruggeëis en gesê hy moet teruggee wat hy gesteel het, insluitend hul bene, skedels en babas.