Geen borg vir beweerde polis-moordenaars

‘n Polisie-sersant van Limpopo, Rachel Kutumela, haar dogter en suster het vandag in die Streekhof in Polokwane verskyn oor beweerde versekering-verwante moorde. Kutumela staan tereg op ses aanklagte van moord en 12 van bedrog terwyl haar familielede van geldwassery aangekla word. Die owerhede beweer sy het versekeringspolisse op ʼn bedrieglike wyse op slagoffers uitgeneem en tien-miljoen Suid-Afrikaanse rand geëis. Waarnemende senior landdros, Godfrey Netshiozwi, het hulle borgtogaansoeke tot die einde van die maand uitgestel.