Stormers maak ses veranderings vir Edinburgh

Rugby: Daar is ses veranderings aan die Stormers se beginspan vir môre se Verenigde Rugbykampioenskapswedstryd teen Edinburgh in die Hive-stadion in Skotland. Warrick Gelant begin die eerste keer die seisoen op heelagter met Damian Willemse op losskakel en Angelo Davids op regtervleuel. Voorlangs is Dave Ewers op oopkant-flank en in die voorry is die haker André-Hugo Venter en die stut Brok Harris in die opdrafspan nadat hulle verlede week op die bank was. Afskoptyd is die aand 6:15.