Minstens 4 dood weens Orkaan Milton, massiewe skade aangerig

Minstens vier mense is dood in Florida terwyl die deelstaat begin om die skade van Orkaan Milton te bepaal. Die kategorie 3-storm het groot skade aan eiendom regoor die staat veroorsaak en meer as 3,4 miljoen huise en besighede sonder krag gelaat. Dele van Sarasota, Fort Myers, Venice en ander Golfkusstede is deur ‘n stormvloed van meer as 3 meter oorval terwyl tornado’s geboue verwoes het, en winde van tot 193km/h motors, bome en puin in projektiele verander het. Dit sal dae neem om die skade te bepaal, maar versekeraars waarsku dat verliese 60 miljard Amerikaanse dollar kan beloop.