Engeland verklaar op reusagtige 823/7 teen Pakistan

Krieket: Engeland het sy eerste beurt op ʼn ongelooflike 823 vir sewe gesluit verklaar op die voorlaaste dag van die eerste toets teen Pakistan in Multan. Harry Brook het 317 van net 322 balle behaal en Joe Root se bydrae was 262. Dit verskaf aan hulle ʼn eerstebeurt-voorsprong van 267 lopies nadat die gashere ʼn reuse-556 aangeteken het met honderdtalle vir Abdullah Shafique en kaptein Shan Masood. Jack Leach het drie paaltjies vir Engeland laat kantel.