Addams Family lê besoek af in die Kaap

Die Addams Family-musiekblyspel met ʼn wêreldklas-rolverdeling kom in Desember Kaap toe. Dit sal by die Home Coming-sentrum, wat voorheen bekend was as The Fugard in Distrik Ses, te sien wees. Dié blyspel van Andrew Lippa, Marshal Brickman en Rick Elice, is ʼn aandoenlike en humoristiese verhaal wat liefde, familie en die soeke na identiteit vier. Dit is 722 keer op Broadway opgevoer en het talle toekennings ingepalm. Addams Family Musical begin op 14 Desember.