Hamilton en LeBron by Met Gala ‘25

Die sewe-malige Formule Een-wêreldkampioen, Lewis Hamilton, is gekies as een van die glanspersoonlikheid-medevoorstters vir volgende jaar se Met Gala in New York. Die ander mede-voorsitters is die sanger en liedjieskrywer Pharrell Williams, die bekroonde akteur Colman Domingo, kletsrymer A$AP Rocky, en die ster van die Los Angeles Lakers LeBron James. Die tema van die Met Gala op 5 Mei is Superfine: Tailoring Black Style, wat die Kostuuminstituut se vertoning vir lente 2025 vereer.