Kombat-boorwerk lewer hoëgraad resultate

Trigon Metals berig dat boorwerk by die Kombat-myn nuwe hoëgraadse mineralisasie naby vorige produserende gebiede getref het. Hoogtepunte sluit in ‘n gat wat 11,21 persent koper en 117,89 gram silwer per ton gesny het, ‘n ander een wat 8 meter gesny het teen 2,55 persent koper en 18,65 gram silwer, en nog ‘n gat wat 3,93 persent koper en 56,13 gram silwer gesny het. Die gate is deel van ‘n hulpbron-opgraderingsprogram van 3 500 meter, en is vanaf 105 meter diepte op vlak 3 in Skag 1, noordoos en suidwes van hul naaste historiese afsnitte, geboor.