Keanu raak (dalk) voornemende renjaer
Die “Matrix”-akteur, Keanu Reeves, het die naweek deelgeneem aan die Toyota GR Cup-reeks, ʼn amateur-wedrenreeks vir motorentoesiaste en voornemende jaers, by die legendariese Indianapolis Motor Speedway. Reeves het Saterdag 25ste geëindig uit ʼn veld van 33 jaers en Sondag 24ste. Hy het in 2009 die Long Beach Toyota Grand Prix vir Glanspersonlikhede gewen. Speed, waarin hy teenoor Sandra Bullock verskyn het, vier vandag sy 30ste verjaardag met ʼn spesiale vertoning in Los Angeles, met albei sterre wat dit sal bywoon.