Russiese staatsmedia deur kuberkrakers geteiken

Die Russiese staatsmediamaatskappy VGTRK is in ‘n ongekende kuberaanval geteiken, het Dmitri Peskov, woordvoerder van die Kremlin, vanoggend gesê. VGTRK, wat Rusland se vernaamste nasionale TV-kanale en ‘n rits streekkanale en radiostasies besit en bedryf, het vroeër Maandag in ‘n verklaring gesê dat sy aanlyndiens oornag onder kuberaanval deurgeloop het, maar dat radio- en TV-uitsendings normaalweg werk ten spyte van die aanval. Volgens Peskov werk spesialiste daaraan om al die omstandighede uit te vind sowel as wie verantwoordelik is.