Banke eis N$75m by die mosiehof

Reuse-bedrae het ter sprake gekom in die week se mosiehof. Regters Nate Ndauendapo en Thomas Masuku het 106 aansoeke vir verstekvonnisse hanteer met 23 op die reël 108-rol. Kommersiële banke het 52 aansoeke gebring en eis 19 lenings se uitstaande skuld van 27,6 miljoen Namibiese dollar. Daar is ook 33 eiendomme op die spel met ‘n skuldlas van 47,5 miljoen dollar. In Maandag se sessie hanteer regter Esi Schimming-Chase 52 onverdedigde egskeidings.