Routh het 12 ure vir Trump gewag

Owerhede in Amerika sê Ryan Routh het byna 12 uur lank weggekruip in ‘n oënskynlike poging om Donald Trump by sy gholfbaan in Florida te skiet. Hy het volgens berigte nooit Trump in sy siglyn gehad nie en het geen skote afgevuur nie. Hy het Trump op sosiale media gekritiseer, en hy ondersteun die Oekraïne. Hy kan tot 20 jaar tronk toe gaan as hy op albei aanklagte skuldig bevind word. Die voorval het vrae laat ontstaan oor hoe ‘n gewapende man so naby aan Trump kon kom, net twee maande nadat Thomas Crooks ‘n skoot afgevuur het op 13 Julie in Butler, Pennsilvanië.