China sal 1 500 huise vir Nampol-beamptes bou

President Nangolo Mbumba het met sy Chinese eweknie Xi Jinping tydens die Forum oor China-Afrika-samewerking-beraad in Beijing vergader. Daar is vroeër berig dat hy Xi se regering sou vra vir hulp om 1 500 huise vir polisiebeamptes te bou. Dit is nou bevestig deur sy woordvoerder Alfredo Hengari wat ook in China is. Hengari het met die NBC, wat die president vergesel het, na die vergadering gepraat.