80 000 drom saam vir pous

Meer as 80 000 mense het die nasionale stadion in Jakarta, Indonesië volgepak vir pous Franciskus se mis in die land met sy Moslem-meerderheid. Die hoof van die Katolieke Kerk is op ʼn besoek aan vier lande in die Asië-Stille Oseaan-gebied wat ook Papoea Nieu-Guinee, Oos-Timor en Singapoer insluit. Die pous het die skare aangemoedig om eenheid en vrede na te streef. Hy het ook die Istiqlal-moskee in die hoofstad besoek waar hy ʼn verklaring onderteken het om klimaatsverandering aan te pak en intergeloofsdialoog te bevorder.