Rassie sê eers Donderdag oor Bokspan

Springbok-afrigter, Rassie Erasmus sal Donderdag sy groep vir Saterdag se Rugbykampioenskapstoets teen die All Blacks in Kaapstad aankondig, en nie vandag soos gewoonlik nie. Kenners wonder of dit ʼn slenter is om Nieu-Seeland aan die raai te hou of omdat hulle nog onseker is oor sekere spankeuses. Daar is onsekerheid oor kaptein Siya Kolisi en die vleuel Kurt-Lee Arendse, wat albei beseer is tydens die eerste toets op Ellispark. Skrumafrigter Daan Human sê al die ander spelers is fiks.