Betaal polisiebeamptes meer, sê Cosatu

Cosatu sê dis tyd dat polisie-salarisse ‘n hupstoot kry om die opofferings te weerspieël wat geregsdienaars daagliks maak om die land veiliger te maak en om hulle te beskerm teen goed-toegeruste misdadigers. Woordvoerder Zanele Sabela sê die vakverbond neem hande met toegewyde Popcru-lede en die hele Polisiediens met die herdenking van Polisie-veiligheidsmaand, en eer die opofferings van polisielede en hulle gesinne. Sabela sê die land is ewig dankbaar vir hulle dapper diens aan die mense.