Junior vrouespan wen brons by Inlyn-skaats Hokkie Wêreldkampioenskap

Namibië se junior vrouespan het die brons-medalje gewen by die Inlyn-skaats Hokkie Wêreldkampioenskap. Hulle het die tuisspan, Italië, met 4-3 geklop in die uitspeelwedstryd om die derde plek. Spanje het Amerika met 4-1 verslaan om die goue medalje te wen. Namibië se senior vrouespan is in Groep F geloot vir die senior kompetisie wat Woensdag in Roccaraso, Italië begin.