Nederlaag teen All Blacks sal Bokke Nr. 1-status kos

Rugby: Daar is vanmiddag in die Rugby Kampioenskapsbotsing op Ellispark baie meer vir die Springbokke op die spel as ‘n oorwinning oor hulle aartsvyande die All Blacks. Die wêreldkampioene sal die nommer-een posisie moet prysgee sou hulle verloor, terwyl Nieu-Seeland hulle kan verbysteek. As die Kiwi’s met meer as 15 punte wen, sal hulle ‘n tree nader wees aan die herowering van die topposisie vir die eerste keer sedert November 2021. Ierland sal dan eerste wees, en Suid-Afrika derde.