United het opdraande stryd teen Reho Falcon

Die laaste ligawedstryde van die Namibië Rugbyunie se premierliga voor die halfeindronde word albei op Rehoboth gespeel. United sal teen Reho Falcon te staan ​​kom, terwyl Kudus met Rehoboth kragte meet. Dit is United se laaste kans om Grootfontein in die vierde posisie op die puntelys te ontsetel en na die halfeindronde deur te dring. Hulle sal egter vir Reho Falcon met 53 punte moet klop en ’n minimum van sewe drieë moet druk. Kudus sal in die derde plek op die puntelys eindig, ongeag die uitslag teen Rehoboth.