Ongosvallei stel Ongosvallei-sewestoernooi bekend

Ongosvallei het amptelik die Ongosvallei-sewestoernooi in Windhoek van stapel gestuur, in samewerking met die Namibiese Rugby-unie en FNB Western Suburbs. Die vyfjaar-vennootskap is daarop gemik om ‘n ontwikkelingstruktuur vir sewesrugby in Namibië te skep. Rondte een van die toernooi vind op 21 September in Keetmanshoop by die Rams Rugbyklub plaas. Rondte 2 vind op 28 September in Swakopmund by die Dolphins Rugbyklub plaas. ’n Rugbyfees sal op 4 en 5 Oktober gehou word, waar daar ’n vrouewedstryd, ’n all-stars-wedstryd, asook die kroning van die algehele toernooiwenner sal wees. Ongosvallei het 100 000 Namibiese dollar vir prysgeld vir die toernooi bewillig. Reagon Graig, voorsitter van Ongosvallei, praat oor die belangrikheid daarvan dat die private sektor Namibiese sport ondersteun.