Walvisbaai Korridor-groep maan SAOG oor M-pokke

Die Walvisbaai Korridor-groep het ‘n belangrike waarskuwing gerig aan vervoer- en logistieke maatskappye wat in die Suider-Afrikaanse Ontwikkelingsgemeenskap werk, rakende M-pokke. Die groep se uitvoerende hoof, Mbahupu Tjivikua, doen ‘n beroep op vragmotorbestuurders, vervoerders en expediteurs om groter versigtigheid aan die dag te lê en streng by voorgeskrewe veiligheidsprotokolle te hou. Kosmos 94.1 Nuus het gesels met die groep se woordvoerder, Maria Paulus, wat meer inligting gee.