Bokke berei nou voor vir All Blacks

Die Springbokke is terug op eie bodem na hulle triomfantelike besoek aan Australië en kom Donderdag in Johannesburg byeen om te begin voorberei vir die twee kragmetings teen die All Blacks. Die twee aartsvyande pak mekaar op die 31ste op Ellispark en ‘n week later in Kaapstad. Suid-Afrika is tans boaan die punteleer met tien punte na hulle twee bonuspunt-oorwinnings oor die Wallabies, wat nog heeltemal sonder punte sit. Nieu-Seeland is tweede met vyf punte, en Argentinië derde met vier.