Mbumba prys SAOG op spesiale dag

Suider-Afrikaanse Ontwikkelingsgemeenskap-dag word elke jaar op 17 Augustus gevier. President Nangolo Mbumba sê die SAOG kan met trots en ‘n gevoel van prestasie terugkyk op die afgelope 32 jaar. Hy sê die organisasie was instrumenteel in die bevordering van samewerking tussen sy lidlande, wat hulle in staat stel om gemeenskaplike doelwitte na te streef wat hul ekonomieë en inwoners bevoordeel. Mbumba moedig lidlande aan om saam te werk in die bekamping van klimaatsverandering, deur volhoubare praktyke en innoverende oplossings wat die omgewing beskerm terwyl voedselsekerheid vir toekomstige geslagte verseker word.