Laaste kans vir halfeindronde-plek in Rugby Premierliga

United pak vandag vir Rehoboth in hul strewe om die Windhoek Lager Rugby Premierliga halfeindronde te haal. United is vyfde op die puntelys, sewe punte agter Grootfontein in die vierde plek, maar hulle het ‘n wedstryd in die hand. Grootfontein kan seker maak van ‘n plek in die halfeindronde as hulle Wanderers tuis klop. Unam is gasheer vir Reho Falcon in die sesde plek, terwyl Kudus, wat reeds deur na die halfeindronde is, Western Suburbs tuis die stryd aansê.