Pumas, Bulle skop naweek se Curriebeker-aksie af

Rugby: Die Pumas is vanmiddag gasheer vir die Bulle in Mbombela in die eerste Curriebeker-Premiersliga kragmeting van die naweek. Môre verwelkom die Leeus die Westelike Provinsie op Ellispark, en die Cheetahs en die Haaie pak mekaar in Bloemfontein. Sondag speel die Griffons en Griekwas in Welkom. Die Bulle is tans boaan die punteleer, gevolg deur die Leeus, die Cheetahs en die Pumas. Die Haaie is in die vyfde plek, WP sesde, Griekwas sewende en die Griffons agste.