Starlink-eienaarskap in die nuus

Starlink se aansoek om Namibië te betree is in die nuus omdat die maatskappy ten volle internasionaal besit word en dit is teenstrydig met Namibiese wetgewing. Die lynminister het internetverskaffers in die land gevra om kommentaar op Starlink se aansoek te lewer. Intussen sê Paratus Afrika se voorsitter Barney Harmse die groep het reeds ‘n ooreenkoms met Starlink op die vasteland beklink.

Hy vra alle rolspelers om bymekaar te kom om ‘n padkaart op te trek vir die pad vorentoe.