FC Ongos verloor 1-3 teen Herentals Queens

Namibië se FC Ongos het met 1 – 3 verloor teen die sterk span van Zimbabwe, Herentals Queens, in hul eerste Groep A wedstryd van die CAF Vroue Kampioeneliga/Cosafa-kwalifikasie 2024-toernooi in Blantyre, Malawi. Die wenner van die toernooi sal deurdring na die kontinentale eindronde later vanjaar. Saterdag sal Ongos die Universiteit van die Wes-Kaap se vroueklub aandurf, en Maandag die Green Buffaloes van Zambië.