NamPol teiken nie sewe-sitplek taxi’s: Shikongo

NamPol-inspekteur-generaal, luitenant-generaal Joseph Shikongo, ontken bewerings dat die polisie se verkeerswetstoepassers sewe-sitplek taxi’s teiken. Shikongo sê in ‘n verklaring dat sewe-sitplek taxi’s met openbare permitte toegelaat word om volgens hul permitte te werk. Voertuie wat sonder vervoerpermitte werk, word egter op dieselfde wyse behandel as enige ander operateur sonder ‘n permit. Shikongo sê NamPol het nooit diskriminerende praktyke in die toepassing van wette opdrag gegee of gemagtig nie.