Pa maak babadogtertjie van 15 maande met panga dood

‘n Angolese man is in hegtenis geneem nadat hy na bewering Saterdag sy 15-maande oue babadogtertjie vermoor het deur haar met ‘n panga aan te val. Hoofinspekteur Thomas Aiyambo van die Oshana-polisie sê die voorval het by die Ondulu Nomongwa-nedersetting in die Oshana-streek plaasgevind. Volgens Aiyambo het die verdagte by die ma van sy kind geslaap, toe hy uit sy slaap wakker geword het en gesê het leeus en hiënas kom. Die ma van die slagoffer het hom saam met ander mense in die huis probeer kalmeer en in die proses het hy met hulle begin baklei. In die proses het hy sy kind gekry en die ma het na die bure gevlug. Toe die buurman die baba kom red, het hulle die verdagte gevind met die beseerde baba. Die verdagte is in hegtenis geneem en word by die Oshakati-polisiestasie aangehou.