6 000 van Khp-buitewyke kry voedselhulp, nog 2 000 vra

Inwoners van Keetmanshoop wat in buitestedelike gebiede woon, het dankbaarheid uitgespreek vir die ontvangs van kospakkies ingevolge die regering se droogtehulpprogram. Die hoof administratiewe beampte vir die stedelike-kiesafdeling Vincent !Goraseb sê sowat 6 000 inwoners het geregistreer vir voedselhulp. Toe die pakkies die eerste keer die week uitgegee is het nog 2 000 inwoners kom pleit vir hulp maar, hulle kon nie meer registreer nie. !Goraseb sê terwyl voedselhulp vir landelike gebiede bestem is, het stedelike inwoners net soveel nood.