Houtskool-bedryf groei uiters goed

Namibië se brandstof-, hout- en houtskooluitvoere het verlede jaar meer as 102 miljard Namibiese dollar gegenereer. Die houtskoolbedryf is een van die meer volwasse plaaslike sektore en het verlede jaar 270 000 metrieke ton uitgevoer. Houtskool bring uitvoerinkomste van meer as 1,2 miljard dollar in, en die waarde daarvan verbeter steeds. Die omgewingsminister Pohamba Shifeta het die sektor geloof en sy tevredenheid met NamPower se eerste biomassa-aanleg uitgespreek. Die 40-megawatt aanleg word naby Tsumeb gebou en sal tot 240 000 metrieke ton indringer-bos en houtskyfies jaarliks gebruik.