Nadal onttrek uit Amerikaanse Ope

Die viermalige kampioen Rafael Nadal het aan die Amerikaanse Ope onttrek en sê hy sal nie alles kan gee by Flushing Meadows in New York nie. Die 38-jarige Spanjaard het nie enige spesifieke besering of gesondheidstoestand bevestig nie. Nadal het by die Olimpiese Spele in Parys deelgeneem en in die tweede ronde van die mans-enkelspel teen Novak Djokovic verloor. Hy het saam met Carlos Alcaraz die kwarteindronde van die mans-dubbelspel gehaal. Hy sê hy beplan om steeds volgende maand aan die Laver-beker in Berlyn deel te neem.