Vermeende verkragter steel, word self beroof

Die polisie het ‘n vreemde voorval van poging tot verkragting op Ondangwa aangemeld. ‘n Vrou van 38, is blykbaar deur ‘n man aangeval wat gepoog het om haar te verkrag. Sy het daarin geslaag om terug te baklei maar die man het haar pruik, selfoon en kontant gesteel. Die vrou is huis toe en is met huismaats terug na die toneel waar hulle die verdagte gevind het. Maar, haar gesteelde goed was nie by hom nie en hy sê hy is kort na die voorval ook beroof. Die verdagte is gearresteer maar die goedere is nog nie gevind nie.