Dr. Hage Geingob Snelweg na lughawe amptelik ingewy

President Nangolo Mbumba het die B9 pad vanaf Windhoek na die Hosea Kutako Internasionale Lughawe amptelik vernoem na die ‘Dr. Hage Geingob Snelweg’. Dit was as deel van ‘n program om Geingob se 83ste verjaardag te vier. Dit is ook vandag presies ses maande na Geingob se dood op 4 Februarie vanjaar. Mbumba sê die pad sal staan ​​as ‘n getuienis van Geingob se geloof in nasieskap, sy boodskap van eenheid, idees van aanspreeklikheid en deursigtigheid, en sy visie van ‘n inklusiewe Namibiese huis.