Galp byna gereed vir meer eksplorasie in PEL 83

Galp Energia sê hy het in die eerste ses maande van 2024 ongeveer 2,1 miljard Namibiese dollar vir projekte in Namibië belê. Filipe Silva, uitvoerende hoof van Galp Energia, sê hulle is opgewonde oor die potensiaal van hul ontdekkings in Namibië en beweeg nou vinnig na die volgende fase. Galp beplan om ‘n eksplorasieveldtog wat oor drie jaar strek, te onderneem wat die boor van 10 eksplorasie- en evalueringsboorgate behels, tesame met vloeitoetsing. Daarbenewens sal dit ‘n 3D-seismiese opname uitvoer wat ongeveer 4 000 vierkante kilometer in PEL 83 sal dek.