Amerikaanse moordenaar wil sy halfnaakbeelde in tronk hou

Die Amerikaanse moordenaar Kevan Townsend dagvaar die korrektiewe diens vir wat hy beskryf as menseregte vergrype wat die verbod op huweliks- en private familiebesoeke insluit. Saam met Townsend is oudlanddross en verhoorafwagtende Jaco Kennedy en in hulle stukke sê hulle voorregte soos die gebruik van televisies en waaiers in selle word hulle ontneem. Hulle beweer verder dat hul regte geskend word omdat hulle  gedrukte halfnaakbeelde gekonfiskeer word. Hulle eis ook die reg om herlaaibare radio’s en elektriese kragproppe te gebruik. Die saak, wat verdedig word, duur voort voor regter Collins Parker.