120 putlatrines teen N$21 423 een?

Die Omusati-streeksraad het volgens kennisgewings van toekenning 12 tenders vir die bou van putlatrines in verskillende kiesafdelings toegeken. Die Tender Bulletin berig dat ‘n totaal van 120 putlatrines gebou sal word teen ‘n bedrag van amper 2,6 miljoen Namibiese dollar uit 213 aanbiedinge. Een putlatrine kos dus 21 423 dollar. Kosmos 94.1 Nuus het met die LPM-woordvoerder Lifalaza Simataa gesels oor of dit strook met die land se doelwitte om arm gemeenskappe op te hef.