GOAN-jaarvergadering op 15 Augustus

Die algemene jaarvergadering van die Gun Owners’ Association of Namibia, bekend as GOAN, word op 15 Augustus by die Old Wheelers-klub in Windhoek gehou. Verrigtinge skop om ses-uur af. Die vereniging doen ‘n beroep op lede om individue te nomineer om op die GOAN-bestuurskomitee vir ’n termyn van twee jaar te dien. Dit is van kritieke belang om die momentum te behou om die regte van alle wapeneienaars te beskerm – veral wanneer hul bestaan daarvan afhang. Lede kan ook agenda-items teen 31 Julie indien.